तुलसीपुर - ४ रक्षाचौर स्थित शारदा विद्या मन्दिरमा `स्पोर्ट्स मिट´ कार्यक्रम सुरु भएको छ । कार्तिक २८ देखी ३० गते सम्म संचालण हुने कार्यक्रमको बुधबार एक औपचारिक कार्यक्रमका बीच उद्घाटन गरिएको हो ।
विद्यालयका प्रीन्सिपल ईन्दिरा शर्माको अध्यक्षता तथा लुम्बिनी प्रदेश खेलकुल परिषदका पूर्व सदस्य एवं राष्ट्रिय खेलकुद परिषदका पूर्व ह्याण्ड बल प्रशिक्षक तेज बहादुर बिक को प्रमुख आतिथ्यतामा कार्यक्रम भएको हो ।
कार्यक्रमलाई सम्बोधन गर्दै प्रमुख अतिथि बिकले खेल स्वास्थ्यका लागी मात्र नभई राष्ट्रका लागी पनि अपरिहार्य रहेको बताउनुभयो । खेल गतिविधिमा सबैले ध्यान दिनुपर्ने उहाँले बताउनुभयो । त्यस्तै बालबालिकाहरुलाई रुचि अनुसारको खेलकुदमा सहभागी हुन उहाँले सुझाव दिनुभयो ।
कार्यक्रममा विद्यालय व्यवस्थापन समितिका पूर्व अध्यक्ष टोप बहादुर केसीले विद्यालयले पढाई सँगै खेलकुद र अतिरिक्त क्रियाकलापमा पनि जोड दिंदै आएको बताउनुभयो । विद्यार्थीहरुको रुचि अनुसार विभिन्न अतिरिक्त क्रियाकलापमा सहभागी बनाउँदै आएको उहाँले बताउनुभयो । साथै खेलकुद र अतिरिक्त क्रियाकलापहरुमा उत्कृष्ट हुँदै आएको उहाँले बताउनुभयो ।
कार्यक्रममा विद्यालय व्यवस्थापन समितिका पूर्व अध्यक्ष भेग बहादुर गिरी, पत्रकार आशिष केसी, तेक्वान्दो खेल प्रशिक्षक हिमाल बिक लगायतले मन्तव्य राख्नुभएको थियो ।
विद्यालयका खेलकुद संयोजक विवश विस्वकर्माले ३ दिन सम्म संचालण हुने विभिन्न खेलकुदको बारेमा प्रष्ट पार्नुभएको थियो ।कार्यक्रममा स्वागत मन्तव्य विद्यालय व्यवस्थापन समितिका अध्यक्ष गोपाल भारतीले राख्नुभएको थियो भने कार्यक्रमको संचालण विद्यालयका सहायक प्रधानाध्यापक पबिता विस्वकर्माले गर्नुभएको थियो ।
३ दिन सम्म विभिन्न विधाका खेलकुदमा विद्यार्थीहरुलाई प्रतिष्पर्धा गराउने र उत्कृष्ट हुनेहरुलाई ३० गते एक औपचारिक कार्यक्रम गरि पुरस्कार तथा मेडल प्रदान गरिने छ । छात्रछात्रा तर्फ भलिबल, फुटसल, हाजिरी जवाफ, दौड, रिले दौड, हाईजम्प, लङ्जम्प लगायत विभिन्न खेलकुदमा प्रतिष्पर्धा गराईने विद्यालयका खेल संयोजक विवश विस्वकर्माले बताउनुभयो ।
_5uszOhtA10-1743258474.jpg)
